Fiamma Olimpica in Corsica : découvrez ceux qui porteront la Flamme au nom de la Collectivité de Corse et de tous les Corses

U 14 di maghju di u 2024 a Fiamma Olimpica hà da traversà a Corsica. Appuntamenti in Aiacciu, Corti è Bastia, cità di tappa, è dinù Zonza, L'Isula, Quenza, Bavedda, Pedicroce, Portivechju è Campana ! 100 "alzifiamma" s'anu da seguità in a Corsica sana per purtà à Fiara è i so valori.

Parmi ces porteurs, plusieurs ont été sélectionnés pour porter la Flamme au nom de la Collectivité de Corse et de tous les Corses, découvrez chaque semaine leur portrait en vidéo.

 

Hà dedicatu a so vita à curà à l’altri, cum’è dutturessa.
Oghje cuntinueghja d’incuragì a ghjente à campà sani, pratichendu un’attività fisica regulare è à invechjà in salute grazia à u sport.
Prufessora di medicina dinù, Josette Dall'Ava Santucci s’hè impignata per l’apertura di a prima annata di Medicina in Corti, 20 anni fà.

Prufissori à u culleghju di Portivechju, Micheli Leccia s’impegna dipoi più di deci anni pà a prumuzioni è l’insignamentu di a lingua corsa incù u Cullittivu Parlemu corsu. A so divuzioni pà a lingua è a cultura si manifesta ogni ghjornu, non solu da insignanti incù i so sculari, ma ancu in u paesu induv’iddu stà, Conca. U so scopu hè di prisirvà è di tramandà a lascita linguistica è culturali corsa.

Laetitia Cucchi s’impegna ogni ghjornu per facilità i spiazzamenti medicali pè u cuntinente, cun l’asssociu Inseme ch’ella hà creatu più di 10 anni fà. Sulidarità è fraiutu sò i motti di a so indiatura à u serviziu di e famiglie chì facenu fronte à i strazii di a malatia. Issu impegnu assuciativu è benevulente  mette à palesu à tutte quelle è à tutti quelli chì si danu di rimenu ogni ghjornu pè u benessere cullettivu.

Per più di quarant’anni, Joseph Simoni, chjamatu affettuosamente "Jojo" da l’amicizia, hà luttatu contr’à e fiamme è purtatu succorsu cum’è spegnifocu vuluntariu in Aleria. Agricultore è pastore, avia avutu à core di ripiglià e terre famigliale, non solu per sensu di u duvere, ma ancu per cuntribuì à u sviluppu di u so rughjone. Joseph Simoni purtarà a Fiamma Olimpica à nome di tutti quelli chi s’impegnenu è chì danu di u so tempu per aiutà à l’altri.

Isaline Amalric Choury hè a figliola di Maurice Choury è a nipote di Danielle Casanova, duie icone di a Resistenza. Dopu à una carriera bella ricca è longa in l’amministrazione, decide di vultà à campà in paese soiu, Piana, dendusi per missione di trasmette a storia di a Resistenza è di a Liberazione di a Corsica durante a seconda guerra mundiale, onurendu cusì a memoria di quelle è di quelli chì anu fattu u sacrifiziu di e so vite per salvà a fiamma di a libertà.