Devenirs en Mediterranée : Lab « I futuri di a lingua corsa »
Mardi 30 mai à partir de 9h30
Campu Mariani di a Facultà di Lettere, lingue, arte - Corti

In u quadru di a Cattedra UNESCO Divintà in Mediterraniu – Devenirs en Mediterranée, avemu u piacè d’invità vi à participà à un Futures Literacy Lab nant’à a lingua corsa, u 30 di maghju di u 2023, da 9 ore è mezu à 5 ore è mezu dopu meziornu, nant’à u campu Mariani di a Facultà di Lettere, lingue, arte, scenze umane è suciale di l’Università di Corsica.

Sviluppatu dipoi quasi quindeci anni da l’UNESCO, stu mettudu participativu permette d’amparà megliu à anticipà è di capisce megliu u rollu di e nostre ripresentazione di u futuru in l’azzione ch’è no femu oghje. Senza imaginazione, senza lampu in u futuru, si sfonda u presente. Senza ripresentazione di u futuru, s’accrescenu i risichi di cunflittu è d’addisperu. Si tratta dunque d’aduprà i futuri ch’è n’imaginemu per custruisce megliu u futuru ch’è no camperemu. Purtatu nant’à a tematica di a lingua corsa, u nostru scopu hè di purtà ci à barattà inseme, in giru à i futuri prubabili è bramevuli di a lingua corsa è di a cursufunia. In stu periudu di trasfurmazione glubale, ci tocca à ripensà di modu cullettivu i nostri puteri d’agisce. Adduniscerà sta ghjurnata, sperti di a lingua corsa è di e lingue di u Mediterraniu. Seranu urganizati d’altri laburatorii, in un secondu tempu, cù studienti, lucutori è paisani.

Serà incaricatu di l’animazione di a ghjurnata un gruppu di dutturanti, in leia cù l’insignanti circadori di l’Università. Ghjuveranu sti travagli, e ricerche di i dutturanti in sociolinguistica è seranu ristituiti à l’inseme di l’attori.

Seriamu unurati di pudè cuntà nant’à u vostru impegnu. À ringrazià vi di cunfirmà a vostra presenza.

*******

Développée depuis près de quinze ans par l’UNESCO, cette méthode participative permet de mieux apprendre à anticiper et de mieux comprendre le rôle de nos représentations du futur dans les actions que nous réalisons aujourd’hui. Sans imagination, sans projection dans le futur, c’est le présent qui se dérobe. Sans représentations du futur, les risques de détresse et de conflit s’accroissent. Il s’agit donc d’utiliser les futurs que nous imaginons pour mieux construire le futur que nous vivrons. Portant sur la thématique de la langue corse, notre intention est de nous amener à échanger ensemble, autour des futurs probables et désirables de la langue corse. Dans cette période de chocs globaux, il nous revient de repenser collectivement nos pouvoirs d’agir. La journée réunira des experts de la langue corse et des langues de Méditerranée. D’autres laboratoires seront organisés, dans un second temps, avec des étudiants ainsi que de simples locuteurs et citoyens.

Un groupe de doctorants sera chargé de l’animation de la journée, en lien avec les enseignants-chercheurs de l’Université de Corse. Les travaux serviront les recherches des doctorants en sociolinguistique et seront restitués à l’ensemble des acteurs.

Nous serions honorés et heureux de pouvoir compter sur votre participation. Nous vous remercions de bien vouloir confirmer votre présence.

Découvrez le programme en téléchargement.

Plus d'infos sur le site.