Premiu ANDRIA FAZI di u 2023

In lu quadru di a sessione di l’Assemblea di Corsica, u Presidente di u Cunsigliu esecutivu di Corsica, Gilles Simeoni, è a Presidente di l’Assemblea di Corsica, Marie-Antoinette Maupertuis anu rimessu, stu 21 di dicembri di u 2023 à 2 ore è mezu dopu meziornu, u Premiu Andria FAZI à i laureati di l’annata 2022-2023- elevi chì anu ottenutu à nota à più bona à a prova scritta di corsu di u bascigliè è à a prova di storia-geugrafia di u brevettu.

Dapoi u 1990 a Cullettività di Corsica urganizeghja, ogni annu, u Premiu Andria FAZI.
Issu premiu ricumpensa, ogni annu, u candidatu chì hà ottenutu a nota a più bona à a prova scritta di u bascigliè in ogni sezzione seguente : « literaria », « scentifica », « scenze è tennulugie di cundutta è di a gestione », « ecunumia è suciale », « scenze è tennulugie di salute è di u suciale », « scenze è tennulugie di l’industria è di u sviluppu », « scenze è tennulugie di laboratoriu durevule ».
Dapoi u 2022, cù a riforma di u bascigliè detta « riforma Blanquer », chì u Premiu hè rimessu à l’elevi di Terminale ch’anu avutu à più bona nota in LLCER lingua Corsa (Lingua, litteratura è cultura straniera o regiunale). È trè più alte note sò ricumpensate.
Hè dinù ricumpensatu u candidatu chì hà ottenutu a nota a più bona à a prova scritta di storia è geugrafia prisentata in lingua corsa à u diploma naziunale di u brevettu (sezzione bislingua).

Dopu à a disparizione, in settembre di u 1989, d’Andria FAZI, Cunsiglieru naziunalistu à l’Assemblea di Corsica dapoi a so creazione in u 1982, u Duttore Jean-Paul de Rocca Serra, allora Presidente di l’Assemblea di Corsica, decide di rende li umaggiu. In l’allocuzione di u 12 d’ottobre di u 1989, cunsacreghja l’omu « Elemente d’equilibriu indispensevule, luttendu contra l’occultazione, a sfacitura di a Corsica autentica » è prupone a creazione d’un premiu perennizendu à so azzione.

Quand’ellu hè statu creatu, u Premiu Andria FAZI, in lu 1990, era una dutazione di fondi permettendu à a Cullettività d’offre à u laureatu un viaghju di a so scelta, eppo una suvvenzione, chì una parte era data à u candidatu è l’altra ghjuvendu li à acquistà un ogettu o opere d’Arte in raportu cù a Corsica. Dapoi u 2003, a Culletività di Corsica decide d’attribuisce stu premiu d’un muntente tutale di 3 000 €, pè u bascigliè, è di 1 500€ pè u brivettu di u culleghju.
Oltre u prestigiu ch’ella cunfera a so attribuzione, u so caratteru grattifichendu chì incita à l’altezza di u livellu di difficultà, face di u Premiu Andria FAZI una chjama à l’eccellenza. Risponde cusì perfettamente à a filusuffia chì hà purtatu a so creazione, ma dinù a vuluntà di u Cunsigliu esecutivu di fanne un puntellu di a pulitica linguistica di a Cullettività di Corsica.
 
PREMIU ANDRIA FAZI DI U 2023 :
Sezzione Bascigliè :

• Florian RUGGERI 20/20 (Premiu d’oru)
• Cassandra CATELLAGGI 19/20
• Lesia Maria DEL GUIDICE 19/20
• Paul-Simon FOGLIA 19/20
• Thomas Jack Francis GUTIERREZ 19/20
• Carlu Maria MARCHIANI 19/20
• Aurelia Camille MATTEI 19/20
• Celia MISERAZZI 19/20
• Jean-Joseph PASTOR 19/20
• Andréa SIMONETTI 19/20

Sezzione Brevettu :

• Antone Maria ANDREANI 50/50
• Francesca CASABIANCA 50/50
• Gilles CASAMARTE 50/50
• Charlotte FRIGARA 50/50
• Juliette LUCIANI 50/50
• Andria MILLELIRI 50/50
• Tom MOZZICONACCI 50/50
• Maria-Francesca POLETTI 50/50