Chjama à candidature - Cullettività Territuriale di Corsica (Direzzione di a lingua corsa – Direzzione di a cultura è di u patrimoine), Cunsigliu di a lingua corsa – Accademia corsa di i Vagabondi
I Premii di a Cullettività territuriale di Corsica gradificheghjanu e più belle opere literarie o scentifiche rilative à a Corsica.
Quattru premii sò rimessi :
- Creazione literaria in lingua corsa
- Creazione literaria in lingua francese chì appia un ligame direttu cù a Corsica
- Assaghju o opera scentifica chì appia un ligame direttu cù a Corsica
- Opera di traduzzione literaria chì appia un ligame direttu cù a Corsica o opera tradutta in lingua corsa
Sò adimessi à cuncorre : i libri esciuti trà nuvembre di u 2016 è uttobre di u 2017.
Sò invitati i candidati à mandà à u più prestu è nanzu à u 31 d’ottobre di u 2017 a so dumanda di participazione è cinque libri à l’indirizzu :
Cullettività territuriale di Corsica
Direzzione di a lingua corsa
Serviziu di u cunsigliu linguisticu
5, carrughju X Luciani
20250 Corti
