Prima ghjurnata di Linguimondi
Sò quasi 250 sculari è cullegiani di Portivechju à esse si resu à a prima parte di a manifestazione "Linguimondi", venderi, u 20 di ferraghju. A Cullettività di Corsica urganisava sta ghjurnata per sensibilizà u publicu sculare à l'usu di a nostra lingua à traversu diversi atteli pruposti in lingua corsa.
Presentazione di u "Cursinu" à un giovanu publicu attentu
U Parcu Naturale Regiunale di Corsica hà animatu un attellu nantu à "u cursinu", cane di razza corsa.
L'Uffiziu Naziunale di e Fureste hà prisentatu e so missione è e spezie endemiche di a furesta corsa.
Quandu a lingua ùn hè micca una chjudenda
L'attellu ghjochi anziani animatu in lingua corsa hè statu l'esempiu stessu di l'addattabilità di i giovani à un'altra lingua.
A Federazione di i cacciadori di Pumonte hà presentatu u bestiame salvaticu corsu, puntuatu d'un "quizz" in corsu nantu à i sfarenti animali sposti.
Attellu pesca è truita macrostigma
A Federazione Dipartimentale di a Pesca hà presentatu a truita indemica corsa "a truita macrostigma" cù e specificità fisiche è u so ambiu di vita. Osservazione à u microscoppu è acquarii anu cumplettatu st'attellu.
Parechji filmi animati, videò o documentarii in lingua corsa sò stati prugettati in a sala di a sinemateca secondu u publicu cuncernatu.
Parechji filmi animati, videò o documentarii in lingua corsa sò stati prugettati in a sala di a sinemateca secondu u publicu cuncernatu.
V'aspettemu numerosi à a seconda ghjurnata di Linguimondi, sabbatu, u 7 di marzu per participà à a Corsa per a lingua corsa chì si scioglierà in Portivechju da 2 ore à 5 ore di u dopu meziornu.
Corsa per a lingua cù passeghju di testimone
