U bislinguìsimu : un binifiziu par tutti
U bislinguìsimu hè un binifiziu pà a riescita di i vostri figlioli. Hè un fattu cunnisciutu chì l’insignamentu bislingu dà i capacità linguistichi è i risultati boni, soprattuttu in francesu è in matematica ; appronta dinò i sculari à u plurilinguìsimu.
A lingua corsa : un passu versu l’universali : a lingua corsa dà un accessu più faciuli à l’altri lingui rumànichi cum’è u talianu, u spagnolu, u purtughesu, u catalanu : più d’una miliarda di parsoni !
Lingua corsa, lingua d’avvena : u sapè in lingua corsa hè di più in più ricircatu in certi mistieri in Corsica : insignamentu, media è cumunicazioni, ciucciaghji, aiutu à a parsona... Tanti mistieri chì si sviluppanu assai. Stu insignamentu dà cuscenza à u zitellu di u so ambienti è ancu di u fora, màssimu u Mediterraniu, vìculu di civilizazioni.
A lingua corsa : un passu versu l’universali : a lingua corsa dà un accessu più faciuli à l’altri lingui rumànichi cum’è u talianu, u spagnolu, u purtughesu, u catalanu : più d’una miliarda di parsoni !
Lingua corsa, lingua d’avvena : u sapè in lingua corsa hè di più in più ricircatu in certi mistieri in Corsica : insignamentu, media è cumunicazioni, ciucciaghji, aiutu à a parsona... Tanti mistieri chì si sviluppanu assai. Stu insignamentu dà cuscenza à u zitellu di u so ambienti è ancu di u fora, màssimu u Mediterraniu, vìculu di civilizazioni.
Urganizazioni : dui scelti s’aprinu par voi
L’ozzioni di corsu : à l’intrata in sesta tutti i sculari sò scritti in corsi di lingua corsa (3 ori a settimana). Ci voli à sapè chì 83 % di i sculari di sesta mantenanu ‘ssa scelta à u capu di un mesi. In quarta i sculari ponu tena i so 3 ori facultativi o sceglia u corsu in LVII (LVIII in 2a).
A filiera bislingua : a maiò parti di i stabulimenti pruponinu un insignamentu bislingu induva i materii sò insignati in i dui lingui. Ad avà 13% di i sculari di culleghju suvitanu quissu u parcorsu. S’è u vostru zitellu hè corsòfonu, pò entra in ‘ssa filiera ancu s’ellu ùn l’hà micca suvitata à u primariu, dopu à una valutazioni urali di i so cumpitenzi.
A filiera bislingua : a maiò parti di i stabulimenti pruponinu un insignamentu bislingu induva i materii sò insignati in i dui lingui. Ad avà 13% di i sculari di culleghju suvitanu quissu u parcorsu. S’è u vostru zitellu hè corsòfonu, pò entra in ‘ssa filiera ancu s’ellu ùn l’hà micca suvitata à u primariu, dopu à una valutazioni urali di i so cumpitenzi.
Quessi i cullegi prupònenu una filiera bislingua :
Balioni, Fesch, Letizia Bonaparte, San Paulu (Aiacciu), Pitretu, Prupià, Bonifaziu, Portivechju II, Léon Boujot (Portivechju), Fiumorbu, Corti, Cervioni, Livia, Lucciana, Biguglia, San Ghjiseppu (Bastia), L’Isula, Calvi, Moltifau, Montesoru, Luri.