1. A rivitalisazione linguistica hè impussibile senza l’esistenza d’una legislazione chì ricunosce i diritti di i lucutori chì parlanu ste lingue. Sta legislazione si pò fà à u livellu locale, regiunale o à quellu di u Statu. L’ideale sarebbe chì ogni lingua fussi difesa à u livellu u più vicinu di i so lucutori è quandu ellu ùn ci hè nisuna dispusizione cusì, a legislazione di l’UE pò ghjuvà per parà. A Cartula Eurupea per e Lingue Regiunale o Minuritarie stabbilita in u 1992 prumove u rispettu è a preservazione di a pluralità linguistica di l’Unione Eurupea.
2. Ancu puru s’elle ùn bastanu micca, e guaranzie legale ùn si ponu francà. Ci volenu dinù strumenti per rinfurzà ste lege, investimenti ma dinù sustegni per un prucessu di pianificazione di a lingua chì fussi strutturatu incù dispusizione finanziarie. Postu chì quasi tutte e cummunità chì parlanu lingue regiunale o minuritarie sò in situazione di minurazione di pettu à e lingue Statale o naziunale, e lingue minuritarie esigenu chì misure pusitive prumuvessinu a so cunniscenza è u so usu.
3. Cù a legislazione è e cuntribuzione finanziarie, u terzu fundamentu di tutta pulitica di rivitalisazione linguistica hè l’attitudine di i lucutori. Senza un impegnu forte di i citadini per a lingua, tutte e lege è tutti i bugetti saranu indarni. Hè per quessa ch’elle sò impurtante e campagne di sensibilisazione per chì i lucutori è in generale, i citadini eurupei fussinu cuscenti di a ricchezza linguistica è culturale di l’Europa.
Per leghje u testu nant'à u situ di u NPLD, cliccate quì.
2. Ancu puru s’elle ùn bastanu micca, e guaranzie legale ùn si ponu francà. Ci volenu dinù strumenti per rinfurzà ste lege, investimenti ma dinù sustegni per un prucessu di pianificazione di a lingua chì fussi strutturatu incù dispusizione finanziarie. Postu chì quasi tutte e cummunità chì parlanu lingue regiunale o minuritarie sò in situazione di minurazione di pettu à e lingue Statale o naziunale, e lingue minuritarie esigenu chì misure pusitive prumuvessinu a so cunniscenza è u so usu.
3. Cù a legislazione è e cuntribuzione finanziarie, u terzu fundamentu di tutta pulitica di rivitalisazione linguistica hè l’attitudine di i lucutori. Senza un impegnu forte di i citadini per a lingua, tutte e lege è tutti i bugetti saranu indarni. Hè per quessa ch’elle sò impurtante e campagne di sensibilisazione per chì i lucutori è in generale, i citadini eurupei fussinu cuscenti di a ricchezza linguistica è culturale di l’Europa.
Per leghje u testu nant'à u situ di u NPLD, cliccate quì.
