Cullocchiu internaziunale: « A Grande Guerra vista da u Mediterranniu : ripresentazione è cuntradizzione »

L’anni dopu à u cunflittu mundiale di u Quatordeci sò tanti anni di creazione viva assai in tutti i duminii : da a literatura à u sinemà, passendu per l’arte plastiche. Fussinu micca i soli à testimunià ne i muvimenti diversi ch’è no addunimu sottu à u nome « d’avanguardie » (Dadà, futurisimu, surrealisimu…) chì intrattenenu cù u cunflittu leie dirette induv’elli s’incrocenu fascinu è ripulsione. Senza vultà micca annantu à a storia di sti muvimenti ne mancu annantu à i so capimachja chì anu digià fattu l’ugettu di parechji studii, vuleria stu cullocchiu interrugà per via di una dimarchja cumparativa e forme ideologiche, literarie o artistiche ch’elle piglianu e reazzione à a guerra in u spaziu mediterraneu.

D’una parte, una loda tremenda di a guerra : à nome di un vitalisimu o à l’incuntrariu d’una apulugia di u sacrifiziu è di l’eruisimu di a morte à u cumbattu ; à nome di a viulenza, di a putenza o di a bellezza mecanica ; à nome dinù di una sulidarità, di una fraternità, frà i cumbattanti.

D’una altra banda, un ricusu smisuratu di l’orrori di a guerra, chì si traduce trà e duie guerre da una mossa pacifista impurtante (Giono è u Contadour per esempiu) è a cundanna di e perdite umane, di e mutilazione, di e crudeltà, di e fatale suffrenze, ma dinù di e cunsequenze ideologiche di a guerra : l’incapuralizazione di e cuscenze, a sciacciatura di l’individualità, a sradichera di l’uppusizione, a bruttezza è a desulazione di i lochi, l’ipucrisia di i discorsi è a perpetuazione, sottu à una forma impeghjurita, di l’inghjustizie suciale.

I paesi di u Mediterraneu anu campatu a guerra sicondu à tempuralità è intenziunalità sfarente, cunfruntati attempu à u stessu tippu di guerra è à a so nuvità divastatrice : tuccherà tandu à stu parangone di e reazzione rispettive, in u duminiu di l’idee è di l’opare, à arricchisce a capiscitura di un periudu chjave quant’è volte trattatu in un quatru solu naziunale.

26-27 di nuvembre di u 2014
Cunsigliu di a Lingua Corsa
5 Viale Xavier Luciani, 20250 Corti
 
MERCURI u 26 di NOVEMBRE  
1 ora è 30 : Accolta di i participanti
 
Discorsu d’apertura
 
Guerra è pace
   
 
2 ore : Walter Tega (Università di Bologna)
 L’idee di pace è di guerra in Europa trà u 1914 è u 1922
 
2 ore è 20 : Agnès Rogliano (Università di Corsica)
Trasgressione et trascendenza di a Grande Guerra à una certa scrittura di a Storia
 
2 ore è 40 : Diego Dilettoso (Università di Cergy-Pontoise)
E cunsequenze culturale è pulitiche di a Prima guerra mundiale in Francia è in Italia: scontru trà u sucialisimu liberale di Carlo Rosselli è u neosucialisimu di Marcel Déat
 
3 ore : Discussione è rifiatu
 
3 ore è 40 : Marie-Jean Vinciguerra (Accademia di a lingua corsa)
Soprana, eroe corsu, un requisitoriu contru à a Grande Guerra
 
4 ore : Jean-Michel Gea (Università di Corsica)
Giono è a Grande Guerra : lettere di u fronte è scritti pacifisti
 
4 ore è vinti : Discussione
 
8 ore di sera : Cena
 

GHJOVI U 27 DI NOVEMBRE  
9 ore : Accolta
 Fiure è raconti
   
9 ore è mezu : Philippe Roger (EHESS Parigi)
Cumu si pò esse « Poilu » ? Figure di suldati meridiunali in e narrazione  di 14-18  
 
9 ore è 50 : Jean-Guy Talamoni (Cunsigliu di a Lingua Corsa, Università di Corsica)
U primu cunflittu mundiale in a literatura corsa, trà e duie guerre
 
10 ore10 : Ange Toussaint Pietrera (Università di Corsica)
Grande Guerra è literatura corsa : da l’esaltazione à a sublimazione
 
10 ore è mezu : Michel Vergé-Franceschi (Università di Tours)
Jean Baldacci (1890-1914) registratu nantu à u munumentu à i  morti di Bastia 99 anni "dopu"...
 
10 ore è 50 : Discussione et rifiatu
 
Mediterraniu (1)
   
11 ore è mezu : Mbark Wanaïm (Institutu Reale di a Cultura Amazighe)
 I suldati maruccani di a Grande Guerra (1914-1918)
 
11ore è 50 : Christophe Luzi (Università di Corsica)
Joseph-Antoine Canasi : Lettere è currispundanze di guerra (1914)
 
Meziornu è 10 : Denis Jouffroy (Università di Corsica)
E sucietà campagnole di u Mediterraniu dopu à a Prima Guerra mundiale, cambiamenti ideologichi è culturali : l’esempiu di a Corsica.
 
Meziornu è mezu : Discussione
 
1ora : Cullazione
 
Mediterraniu (2)
   
2 ore è mezu : Masayuki Tsuda  (Università di Kyoto)
A Grande Guerra vista da Trieste  (visiocunferenza)
 
2 ore è 50 : Georges Fréris (Università diTessalonica)
A primura di a prima guerra mundiale in a literatura neoellenica
 
3 ore è 10: Discussione è rifiatu
 
U tempu di e publicazione
   
3 ore è 40 : Eugène Gherardi (Università di Corsica)
Una publicazione à a vigilia di a Grande Guerra : A CISPRA
 
4 ore : Paolo Carile (Università di Ferrare, Presidente di l'Associu Italiques)
Riviste culturali di Toscana
 
4 ore è 20 : Marc Cheymol (Agenza Universitaria di a Francufunia) 
Nascita di un mitu: Paul Valéry è a giovana Europa
 
4 ore è 40 : Vanessa Alberti (Università di Corsica)
Censuratu è prupaganda : analisi di i discorsi di a stampa corsa è taliana
 
5 ore : Discussione et cunclusione
 
6 ore : Cuncertu. Canti di prigiuneri corsi in Allemagna (1917)