Care cunsigliere, Cari cunsiglieri,
Ghjè un piacè tamantu di ritruvà vi in sta sala di e deliberazione di l’Assemblea di Corsica oghje per sta sessione di l’Assemblea di a giuventù. Ùn site micca tutti quì, parechji cunsiglieri participeghjanu à sta reunione di manera numerica postu chì a situazione ùn hè ancu nurmale.
Ma, rispettendu tutte e misure di securità, pudemu ripiglià un funziunamentu guasi nurmale.
U cunfinamentu ci hà impeditu di tene, cum’ella era privista, a sessione di u mese d’aprile. Ma, oramai, avemu da pudè seguità u nostru calendariu. Eppò, ci vole à dì chì u travagliu di a vostra assemblea ùn hè mai statu interrotu durante a crisa di u Covid-19.
Avete travagliatu assai à fiancu à l’eletti di l’Assemblea di Corsica nant’à tutti i sugetti trattati. Vogliu ramentà quì, per indettu, a vostra cunferenza di i presidenti, u vostru avisu nant’à u mio raportu « libertà individuale è tracciera numerica », quellu nant’à u pianu di surtita prugressiva è ammaestrata di u cunfinamentu, presentatu da l’esecutivu, ecc. A vostra assemblea s’hè dinù assuciata à e dumande di l’Assemblea di Corsica. Hà fattu ciò chè no aspettavamu : u so travagliu d’istituzione cunsultativa. Ognunu cunniscia digià a so capacità, a vostra capacità. Oramai, ùn c’hè più nisunu dubbitu è nimu ùn pò rimette in causa ne a so legitimità, ne a so utilità. A richezza di l’ordine di u ghjornu ne hè una prova.
U vostru parè nant’à cio chì si passa oghje è nant’à ciò chì si passerà dumane, conta assai. Simu ghjunti à u nostru scopu cumunu : l’Assemblea di a giuventù hè stallata in u paisagiu puliticu corsu.
Ne sò cunvintu, u vostru rollu crescerà torna. Di fatti, a crisa di u Covid-19 hà purtatu a prova à quelli chì ne dubbitavanu, ò chì ùn l’avianu micca capita : hè necessariu assai di pensà, d’imaginà, di custruì una sucetà nova. S’ella deve esse cuncipita sta crisa cum’è una chjama à piglià cuscenza di l’urgenza di cambià u nostru modu di campà, deve dinù esse u principiu di una nova manera di fà.
Avemu dettu è ci vole à ripete chì sta crisa di u Covid-19 ùn hè ancu compia. Se a situazione sanitaria hè appaciata per avà, a situazione ecunomica ci da assai penseri. Eppò, ancu s’ellu si spinghje u coronavirus cum’è a speremu tutti, disgraziatamente, ci ne seranu d’altre, crise. È, per contu nostru, pensemu chì ci vole à parà le piuttostu chè di teme le. Parà le, vole dì fà un primu bilanciu di sta crisa è ritene ne una sperienza. Parà ghjè ingagià si in una reflessione pruspettiva. Ci vole dunque à pone si parechje dumande, in ogni duminiu : chì agricultura per dumane è dopu dumane, chì scola, chì sistema di salute, chì occupazione di u spaziu, chì ecunumia, chì manera di campà, chì sucetà ? Qualesse seranu e pulitiche à mette in ballu per custruì l’avvene ?
Duvemu truvà e risposte à ste dumande tutti inseme. È, voi chì site l’avvene, avete da esse à u core di sta reflessione. Hè cusì ch’avemu cuncipitu in lu 2016 l’Assemblea di a giuventù.
À ringrazià vi.
Ghjè un piacè tamantu di ritruvà vi in sta sala di e deliberazione di l’Assemblea di Corsica oghje per sta sessione di l’Assemblea di a giuventù. Ùn site micca tutti quì, parechji cunsiglieri participeghjanu à sta reunione di manera numerica postu chì a situazione ùn hè ancu nurmale.
Ma, rispettendu tutte e misure di securità, pudemu ripiglià un funziunamentu guasi nurmale.
U cunfinamentu ci hà impeditu di tene, cum’ella era privista, a sessione di u mese d’aprile. Ma, oramai, avemu da pudè seguità u nostru calendariu. Eppò, ci vole à dì chì u travagliu di a vostra assemblea ùn hè mai statu interrotu durante a crisa di u Covid-19.
Avete travagliatu assai à fiancu à l’eletti di l’Assemblea di Corsica nant’à tutti i sugetti trattati. Vogliu ramentà quì, per indettu, a vostra cunferenza di i presidenti, u vostru avisu nant’à u mio raportu « libertà individuale è tracciera numerica », quellu nant’à u pianu di surtita prugressiva è ammaestrata di u cunfinamentu, presentatu da l’esecutivu, ecc. A vostra assemblea s’hè dinù assuciata à e dumande di l’Assemblea di Corsica. Hà fattu ciò chè no aspettavamu : u so travagliu d’istituzione cunsultativa. Ognunu cunniscia digià a so capacità, a vostra capacità. Oramai, ùn c’hè più nisunu dubbitu è nimu ùn pò rimette in causa ne a so legitimità, ne a so utilità. A richezza di l’ordine di u ghjornu ne hè una prova.
U vostru parè nant’à cio chì si passa oghje è nant’à ciò chì si passerà dumane, conta assai. Simu ghjunti à u nostru scopu cumunu : l’Assemblea di a giuventù hè stallata in u paisagiu puliticu corsu.
Ne sò cunvintu, u vostru rollu crescerà torna. Di fatti, a crisa di u Covid-19 hà purtatu a prova à quelli chì ne dubbitavanu, ò chì ùn l’avianu micca capita : hè necessariu assai di pensà, d’imaginà, di custruì una sucetà nova. S’ella deve esse cuncipita sta crisa cum’è una chjama à piglià cuscenza di l’urgenza di cambià u nostru modu di campà, deve dinù esse u principiu di una nova manera di fà.
Avemu dettu è ci vole à ripete chì sta crisa di u Covid-19 ùn hè ancu compia. Se a situazione sanitaria hè appaciata per avà, a situazione ecunomica ci da assai penseri. Eppò, ancu s’ellu si spinghje u coronavirus cum’è a speremu tutti, disgraziatamente, ci ne seranu d’altre, crise. È, per contu nostru, pensemu chì ci vole à parà le piuttostu chè di teme le. Parà le, vole dì fà un primu bilanciu di sta crisa è ritene ne una sperienza. Parà ghjè ingagià si in una reflessione pruspettiva. Ci vole dunque à pone si parechje dumande, in ogni duminiu : chì agricultura per dumane è dopu dumane, chì scola, chì sistema di salute, chì occupazione di u spaziu, chì ecunumia, chì manera di campà, chì sucetà ? Qualesse seranu e pulitiche à mette in ballu per custruì l’avvene ?
Duvemu truvà e risposte à ste dumande tutti inseme. È, voi chì site l’avvene, avete da esse à u core di sta reflessione. Hè cusì ch’avemu cuncipitu in lu 2016 l’Assemblea di a giuventù.
À ringrazià vi.